/12/28

轉載蘋果即時新聞

唔介意女友到夜店陳柏宇：佢識得避忌

陳柏宇（Jason）今日到商台接受訪問，佢話噚日同公司同事開聖誕party，31號晚就要做倒數活動，未有時間陪女友過除夕，Jason話同女友拍拖多年，記憶中好似只有1年同女友一齊倒數渡除夕，佢話：「通常都係預早慶祝，節日佢都要工作，31號佢可能落club同朋友慶祝生日。」

Jason話唔介意女友到夜店，亦唔介意女友認識異性，Jason話：「佢自己識得避忌。」Jason指今年收入算是不錯，佢話：「年頭差啲，年尾幾好，我一年出兩次糧，分別係6月同12月，年頭都驚出糧捱唔到，因為我必須開支又多，出糧嘅數目唔會發達，一定唔會儲到錢，多有多使，少有少使。」

/12/28

轉載蘋果日報

陳柏宇唔請女友去叱咤

陳柏宇噚日喺中環HMV做一日店長，宣傳自己嘅唱片，送出聖誕禮「襪」畀歌迷。佢話唔係因為被睇好攞叱咤我最喜愛男歌手而嚟謝票，亦冇刻意準備台上致辭嘅說話。

但柏宇估計如果得獎，會因現場氣氛感染而落淚。至於會唔會請女友到場支持？柏宇話：「冇問佢，應該唔去，佢從未要求過去現場。我唔問、佢又冇嬲過，就唔問佢去唔去喇！」

赞赏

长按

转载请注明:http://www.winrccard.com/jrhd/1451639.html